2014 jylǵy 10 qazan, Astana qalasy
Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti boıynsha erejesin bekitý týraly
«Normatıvtik quqyqtyq aktiler týraly» Qazaqstan Respýblıkasynyń 1998 jylǵy 24 naýryzdaǵy Zańnyń 29-baby 1-tarmaǵynyń 6) tarmaqshasyna jáne «Qazaqstan Respýblıkasy Aýyl sharýashylyǵy mınıstrliginiń keıbir máseleleri» Qazaqstan Respýblıkasy Úkimetiniń 2005 jylǵy 6 sáýirdegi № 310 qaýlysyna sáıkes, buıyramyn:
1. Qosa berilip otyrǵan Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti erejesi bekitilsin.
2. «Qazaqstan Respýblıkasy Qorshaǵan orta jáne sý resýrstary mınıstrliginiń Sý resýrstary komıteti» memlekettik mekemesiniń erejesin bekitý týraly» Qazaqstan Respýblıkasy Qorshaǵan orta jáne sý resýrstary mınıstriniń 2014 jylǵy 23 qańtardaǵy № 14-О́ buıryǵynyń kúshi joıylǵan dep tanylsyn (№ 9088 normatıvtik quqyqtyq aktilerdi memlekettik tirkeý tiziliminde tirkelgen, 2014 jylǵy 3 aqpandaǵy Qazaqstan Respýblıkasy normatıvtik quqyqtyq aktileriniń aqparattyq-quqyqtyq júıesinde, «Egemen Qazaqstan» 5 aqpandaǵy 2014 jylǵy № 24 (28248) gazetinde jarııalanǵan).
3. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti zańnamada belgilengen tártippen:
1) osy buıryqtyń Qazaqstan Respýblıkasy Ádilet mınıstrliginde memlekettik tirkelýin;
2) osy buıryqty memlekettik tirkeýden keıin on kúntizbelik kún ishinde kezeńdik basylymdarǵa jáne «Ádilet» aqparattyq-quqyqtyq júıesine resmı jarııalaýǵa onyń jiberilýin;
3) osy buıryqtyń Qazaqstan Respýblıkasy Aýyl sharýashylyǵy mınıstrliginiń ınternet-resýrsynda ornalasýyn qamtamasyz etsin.
4. Osy buıryq alǵash ret resmı jarııalanǵannan keıin on kúntizbelik kún ótken soń qoldanysqa engiziledi.
Mınıstr A.MAMYTBEKOV.
Qazaqstan Respýblıkasy Aýyl sharýashylyǵy mınıstriniń
2014 jylǵy 10 qazandaǵy №19-5/519 buıryǵymen bekitildi
Qazaqstan Respýblıkasy Aýyl sharýashylyǵy mınıstrliginiń Cý resýrstary komıteti týraly ereje
1. Jalpy erejeler
1. Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti (budan ári – Komıtet) Qazaqstan Respýblıkasy Aýyl sharýashylyǵy mınıstrliginiń (budan ári – Mınıstrlik) sý qoryn paıdalaný jáne qorǵaý salasyndaǵy iske asyrý jáne baqylaý qyzmetterin óz quzyreti sheginde júzege asyratyn vedomstvosy bolyp tabylady.
2. Komıtet óz qyzmetin Qazaqstan Respýblıkasynyń Konstıtýsııasyna jáne zańdaryna, Qazaqstan Respýblıkasy Prezıdentiniń jáne Úkimetiniń aktilerine, basqada normatıvtik quqyqtyq aktilerge, sondaı-aq osy Erejege sáıkes júzege asyrady.
3. Komıtet memlekettik mekemeniń uıymdastyrý-quqyqtyq úlgisindegi zańdy tulǵa bolyp tabylady, memlekettik tildegi ataýlarymen móri jáne mórtabany, belgilengen úlgidegi blankisi, Qazaqstan Respýblıkasy zańnamalaryna sáıkes qazynashylyq organdarynda esepteri bar.
4. Komıtet azamattyq-quqyqtyq qatynastarǵa óz atynan túsedi.
5. Eger ınspeksııa zańnamaǵa sáıkes memlekettiń atynan ýákilettense, ol memleket atynan azamattyq-quqyqtyq qatynastardyń taraby bolýǵa quqyǵy bar.
6. Inspeksııa óz quzyretiniń máseleleri boıynsha belgilengen zańnamalyq tártipte buıryqtarmen jáne Qazaqstan Respýblıkasynyń zańnamalarymen kózdelgen basqada aktilermen rásimdelgen sheshimderdi qabyldaıdy.
7. Qurylymy men shtattyq sany lımıti qoldanystaǵy zańnamalarǵa sáıkes qoldanystaǵy zańnamaǵa sáıkes bekitiledi.
8. Komıtettiń zańdy mekenjaıy: ındeksi 010000, Qazaqstan Respýblıkasy, Astana qalasy, Esil aýdany, Orynbor kóshesi, 8 úıi.
9. Memlekettik organnyń tolyq ataýy – «Qazaqstan Respýblıkasy Aýyl sharýashylyǵy mınıstrliginiń Sý resýrstary komıteti» respýblıkalyq memlekettik mekemesi.
10. Osy Ereje Komıtettiń quryltaı qujaty bolyp tabylady.
11. Komıtet qyzmetin qarjylandyrý respýblıkalyq bıýdjet qarajatynan júzege asyrylady.
12. Komıtetke óziniń fýnksııalary bolyp tabylatyn mindetterdi oryndaý turǵysynda kásipkerlik sýbektilerimen sharttyq qatynastarǵa túsýge tıym salynady.
Eger zańnamalyq aktilermen Komıtetke kirister ákeletin qyzmetti júzege acypý quqyǵy berilse, onda mundaı qyzmetten alynǵan kirister respýblıkalyq bıýdjet kirisine jiberiledi.
2. Komıtettiń negizgi mindetteri jáne qyzmetteri
13. Mindeti:
1) sý resýrstaryn basqarý salasynda memlekettik saıasatty iske asyrý máseleleri boıynsha úılestirýdi qamtamasyz etý;
2) sý resýrstaryn basqarý salasynda memlekettik baqylaýdy qamtamasyz etý;
3) Komıtetke óz quzyreti sheginde júktelgen basqada mindetterdi júzege asyrý.
14. Qyzmetteri:
1) óz quzyreti sheginde sý qoryn paıdalaný jáne qorǵaý, sýmen jabdyqtaý, sý burý salasyndaǵy memlekettik saıasatty ázirleýge jáne iske asyrýǵa qatysady;
2) negizgi ózenderdiń basseınderi men tutas alǵanda respýblıka boıynsha basqa da sý obektileri boıynsha sý resýrstaryn keshendi paıdalaný jáne qorǵaý shemalaryn ázirleıdi;
3) arnaıy sý paıdalanýǵa ruqsat berýge ótinishte kórsetiletin málimetterdi aıqyndaıdy;
4) sýdy jáne onyń paıdalanylýyn memlekettik esepke alýdy, memlekettik sý kadastry men sý obektileriniń memlekettik monıtorıngin júrgizýdi júzege asyrady;
5) sý obektileri derekteriniń aqparattyq bazasyn qurady jáne oǵan barlyq múddeli adamdardyń qol jetkizýin qamtamasyz etedi;
6) respýblıkalyq menshiktegi sý obektilerin, sý sharýashylyǵy qurylystaryn paıdalanýdy uıymdastyrady;
7) sý sharýashylyǵyndaǵy ınvestısııalyq jobalardy daıyndaıdy jáne iske asyrady;
8) eldi mekender sheginen tys jerlerde sý qoryn paıdalaný men qorǵaý, sýmen jabdyqtaý jánesý burý salasyndaǵy jobalaý, izdenis, ǵylymı-zertteý jáne konstrýktorlyq jumystardy uıymdastyrady;
9) tıisti basseın boıynsha sý sharýashylyǵy balanstaryn ázirleýge qatysady;
10) sý sharýashylyǵy uıymdarynyń qyzmetin ádistemelik qamtamasyz etýdi júzege asyrady;
11) sý qoryn paıdalaný, sýmen qamtý jáne sý tartý salasynda memlekettik basqarýdy júzege asyrady (eldi mekenderde ornalasqan sý sharýashylyǵy jáne sý tartý júıelerinen basqa);
12) adam men azamattyń quqyqtary men bostandyqtaryn qozǵaıtyn normatıvtik quqyqtyq aktilerdi qospaǵanda, vedomstvonyń quzyretine kiretin máseleler boıynsha jáne mınıstrlikterdiń aktilerinde olardy bekitý boıynsha tikeleı quzyreti bolǵan kezde normatıvtik quqyqtyq aktilerdi bekitedi;
13) ortalyq atqarýshy organdar ázirlegen óndirgish kúshterdi jáne ekonomıka salalaryn damytý men ornalastyrý shemalarynyń quramynda sý resýrstaryn paıdalaný jáne qorǵaý boljamdary sý resýrstaryn paıdalanýdyń jol beriletin deńgeıi nysanasynda ýákiletti organda kelisýden óted;
14) tabıǵat qorǵaý jáne sanıtarlyq-epıdemıologııalyq sý jiberýdiń kólemin ýákiletti organ sý obektileri basseınderi boıynsha belgileıdi;
15) memlekettik sý kadastrynda qamtylǵan aqparatqa múddeli jeke jáne zańdy tulǵalardyń qol jetkizýin qamtamasyz etedi;
16) jer qoınaýyn zerdeleý men paıdalaný jónindegi ýákiletti organnyń sý nysanynyń ár basseıni úshin sý sapasynyń krıterııleri men jaı-kúıiniń nysanaly kórsetkishterin ázirleıdi;
17) múddeli memlekettik organdarmen birlesip sý resýrstaryn paıdalanýdyń respýblıkalyq aqparattyq-taldaý júıesin qurady;
18) sý paıdalaný lımıtterin jyldyń sýlylyǵyn, sý nysandarynyń ekologııalyq jáne sanıtarlyq-epıdemıologııalyq jaı-kúıin eskere otyryp, jyl saıyn naqtylaıdy;
19) ózen basseınderi boıynsha sý paıdalaný lımıtteri basseındik shemalar men sý obektilerine jol beriletin shekti zııandy áserlerdiń normatıvteri negizinde belgilenedi;
20) ekonomıka salasynda salystyrmaly sýdy tutyný normalaryn kelisedi;
21) sý qoryn paıdalaný men qorǵaý salasyndaǵy memlekettik baqylaýdy júzege asyrady;
22) transshekaralyq sýlar týraly halyqaralyq kelisimderdiń sharttary men talaptarynyń oryndalýyna baqylaýdy júzege asyrady;
23) Qazaqstan Respýblıkasy zańdarymen belgilengen quzyreti sheginde ákimshilik quqyq buzýshylyq isteriniń óndiristerin júzege asyrady;
24) Qazaqstan Respýblıkasy zańnamalaryna sáıkes ózge de qyzmetterdi júzege asyrady.
15. Komıtettiń quqyqtary jáne mindetteri:
1) oryndaýǵa mindetti normatıvtik quqyqtyq aktilerdi óz quzyreti sheginde qabyldaýǵa;
2) belgilengen zańnamalyq tártipte memlekettik organdardan, olardyń laýazymdyq tulǵalarynan qajetti aqparat pen materıaldardy alýǵa jáne suratýǵa;
3) qoldanystaǵy zańnamalyq aktilermen kózdelgen basqada quqyqtar men mindetterdi júzege asyrýǵa.
3. Komıtettiń qyzmetin uıymdastyrý
16. Komıtetke basshylyqty júktelgen mindetterdi oryndaýǵa jáne óz qyzmetterin júzege asyrýǵa jeke jaýapkershilikti atqaratyn Komıtet tóraǵasy júzege asyrady.
17. Komıtet tóraǵasy Qazaqstan Respýblıkasynyń zańnamalaryna sáıkes qyzmetine taǵaıyndalady jáne qyzmetinen bosatylady.
18. Komıtet tóraǵasy Qazaqstan Respýblıkasy zańnamalaryna sáıkes qyzmetterine taǵaıyndalatyn jáne qyzmetterinen bosatylatyn orynbasarlary bar.
19. Komıtet tóraǵasynyń ókilettigi:
1) zańnamalarǵa sáıkes tóraǵa orynbasarlarynan basqa, Komıtet qyzmetkerlerin qyzmetke taǵaıyndaıdy jáne jumystan bosatady;
2) tártiptik jazalardy zańmen belgilengen tártipte qoldanady;
3) óz quzyreti sheginde buıryqtar shyǵarady;
4) óz quzyreti sheginde Komıtetti Qazaqstan Respýblıkasynyń qoldanystaǵy zańnamalaryna sáıkes memlekettik organdarda jáne basqada uıymdarda usynady;
5) Mınıstrliktiń Jaýapty hatshysyna Komıtettiń jáne onyń aýmaqtyq organdarynyń qurylymy jáne shtattyq kestesin ózgertý týraly usynysty engizedi;
6) óz quzyretine enetin basqada máseleler boıynsha sheshim qabyldaıdy;
7) Komıtette sybaılas jemqorlyqqa qarsy is-áreketterge baǵyttalǵan sharalardy óz quzyreti sheginde qabyldaıdy jáne sybaılas jemqorlyqqa qarsy sharalardy qabyldaýǵa jeke jaýapkershilik atqarady;
8) belgilengen zańnamalyq tártipte Komıtettiń qyzmetkerlerine jáne óńirlik organdardyń basshy orynbasarlaryna issaparlar, demalystar berý, materıaldyq kómekter kórsetý, biliktilik kóterý, daıarlaý (qaıta daıarlaý), kótermeleý, ústemeaqy tóleý jáne syıaqy berý máselelerin sheshedi;
9) belgilengen zańnamalyq tártipte aýmaqtyq organdardyń basshylarynyń jáne basshy orynbasarlarynyń demalystaryn berý máselelerin sheshedi;
10) belgilengen zańnamalyq tártipte aýmaqtyq organdardyń birinshi basshylary men onyń orynbasarlaryn qyzmetin taǵaıyndaý jáne qyzmetinen bosatý týraly, sondaı-aq tártiptik jazaǵa tartý jóninde Jaýapty hatshyǵa usynysty engizedi;
11) belgilengen zańnamalyq tártipte óziniń orynbasarlarynyń, qyzmetkerleriniń, aýmaqtyq organdardyń basshylarynyń mindetteri men ókilettikterin (laýazymdyq nusqaýlyqtary) anyqtaıdy jáne bekitedi;
12) Qazaqstan Respýblıkasynyń zańnamalaryna sáıkes respýblıkalyq memlekettik mekemelerdiń basshylary men orynbasarlaryn laýazymdaryna taǵaıyndaıdy jáne bosatady;
13) Qazaqstan Respýblıkasy zańnamalaryna sáıkes respýblıkalyq memlekettik mekemelerdiń basshylary men orynbasarlaryn issaparǵa jiberý, materıaldyq kómek kórsetý, kótermeleý, ústemeaqy men syıaqy berý máselelerin kelisedi;
14) Komıtettiń baǵynysty uıymdarynyń qurylymyn bekitedi.
Komıtet tóraǵasy bolmaǵan kezeńde ókiletterin oryndaý qoldanystaǵy zańnamalarǵa sáıkes ony aýystyratyn tulǵamen júzege asyrylady.
20. Komıtettiń tóraǵasy qoldanystaǵy zańnamalarǵa sáıkes óz orynbasarlarynyń ókiletterin anyqtaıdy.
4. Komıtettiń múligi
21. Komıtettiń zańnamamen kózdelgen jaǵdaıynda operatıvtik basqarý quqyǵynda oqshaýlanǵan múligi bolýy múmkin.
Komıtettiń múligi menshik ıesimen berilgen múlik esebinen, sondaı-aq óz qyzmeti nátıjesinde jáne Qazaqstan Respýblıkasymen tıym salynbaǵan basqada kózderden alynǵan múlikten (aqshalaı kiristerdi qosa) qalyptastyrylady.
22. Komıtetke bekitilgen múlik respýblıkalyq menshikke jatqyzylady.
23. Komıtet ózine bekitilip berilgen múlikti jáne qarjylandyrý jospary boıynsha oǵan berilgen qarajat esebinen satyp alynǵan múlikti, eger ózge zańnamamen belgilenbese óz erkimen ıelikten shyǵarýǵa nemese oǵan ózge de tásilmen bılik etýge quqyly emes.
5. Komıtetti qaıta uıymdastyrý jáne taratý
24. Komıtetti qaıta uıymdastyrý jáne taratý Qazaqstan Respýblıkasynyń zańnamasyna sáıkes júzege asyrylady.
Buıryq Qazaqstan Respýblıkasynyń Ádilet mınıstrliginde 2014 jylǵy 23 qazanda Normatıvtik quqyqtyq kesimderdi memlekettik tirkeýdiń tizilimine №9820 bolyp engizildi.